Shukraana

Ye xmas xmas main nahin manta Kahaan snowfall? Kahaan Santa? Kyun? Dimaag ki lights jala Dil mein banaa le christmas tree Haath jodke Jesus bol Poori ho jaayengi wishes teri

Faasle dar se tere kam to naa hue Dil ye deewana magar wahaan harsu aaya Fikre kasne mere kam to naa hue Haste mizhgaan mein magar ik aansoo aya Do dinon pehle to tum jawaan hue Do dinon mein kaafir hona tumhe khoob aaya Dil ye deewana magar wahaan harsu aaya Dil ko roz samjhaana befazool nikla Jahaan dil thha, wahaan roz ghiske koi naasoor aaya Dil ye deewana magar wahaan harsu aaya

Aksar dekha hai zindagi Karti hai apni si dillagi Isiliye zindagi ki baatein Hum seriously le nahin paate Kabhi woh pyaara laga to Socha ek aadh sapne saja lo Lekin zindagi, jaane kahaan se Pyaar se apni taang adhaa de Isiliye zindagi ki baatein Hum seriously le nahin paate Ek raasta paas bulaaye Mom-dad ko finally chhodke aaye Magar zindagi headlights jalaake Koi aur hi raaste dikha de Isiliye zindagi ki baatein Hum seriously le nahin paate Jaana kahaan hai, ye zindagi Ko yaar, hum poochenge nahin Pooch ke bhi kya fayeda Samajh to koi nahin payega Isiliye zindagi ki baatein Hum seriously le nahin paate

Aaj andhera jach raha hai Aaansoo chhupaane ki jagah to hai. Chalo, bijli achhe din gayi Aaj rone laayak kucch hua to hai!

Aaj kaun hai aankhon mein aisa Ke neendon ko aane ki jagah nahin? Aaj nahin aayegi aankhiyon mein Ye bhi to mujhse kahaa nahin! Door door tak takti ankhiyaan Rasta do pal neendon ka Ek peechhe jaa baitha sapna Kya hoga do ankhiyon ka? Aaj nahin dekhengi sapnein Ye bhi to mujhse kahaa nahin! Ishq aur neendon ka Jaisa gehra naata hai Unka chale jaana hi Ishqon ka aana kehlata hai Ab mujhe kabhi neend na aaye Pehle kabhi ye chaaha nahin!

Is baar Holi farak si hai Meri aankhon ka rang teri aankhon sa hai Teri laali bhi mujhmein damakti hai Is baar Holi farak si hai Teri laali bhi mujhmein damakti hai Teri lagi ka nasha hai is bhaang mein Mujhse jo chaahe tu aaj maang le Hara neela peela laal gulaabi Mujhpe dikhe tera rang jo zara bhi To rang jaoon mein usi ke rang... Phir aadha rang tera ho jaaye Aur mera aadha rang Is baar Holi farak si hai Teri rangat mujhmein chamakti hai

Meri chaadar meri niyat se rangi Maili hui, main jaana nahin Yun bhi to hoga ki main apni Galti kabhi pehchaana nahin Meri chaadar meri niyat se rangi Maili hui, main jaana nahin Ek maila sa dil, maili mehfil Maili si justajoo Maile se phool, maile jaise dhool Maili si khushboo Mere pooja ke phool, maile huye Main chadaa aaya, main jaana nahin Maili chaadar si maili falak Ab Allah kahaan se jhaanke re Aur phir main poochhoon Allah se hi Tu mujhse door kyun bhaage re?